OmegaT es un programma gratuite pro memoria de traduction, scribite in Java. Illo es un application destinate pro traductores professional. Illo non traduce in tu vice! (Le software que face isto es nominate "traductor automatic", pro illo tu debera querer alibi.)
Functionalitates professional
Concordantia partial
Propagation del concordantia
Processo simultanee de projectos con plure files
Uso simultanee de plure memorias de traduction
Glossarios del usator con recognition del formas declinate
Opera con plus de 30 formatos de file
Microsoft Word, Excel, Power Point
XHTML e HTML
Formato Open Document (LibreOffice, OpenOffice.org)
MediaWiki (Wikipedia)
Texto simple
...e circa 30 altere formatos
Instrumentos potente
Supporto pro Unicode (UTF-8): pote esser utilisate con alphabetos non latin
Supporto pro linguas de dextera a sinistra
Correctores orthographic integrate
Compatibile con altere applicationes pro memoria de traduction (TMX, TTX, TXML, XLIFF, SDLXLIFF)
Interfacie con Google Translate v2, Apertium, Microsoft Translator ...
Discargamento
OmegaT es disponibile in multe distincte versiones pro convenir a numerose requisitos del usatores.
Pro trovar le plus convenibile version pro te, seque le ligamine al Selector del discargamentos, infra.
O, si tu jam sape qual version tu desira discargar, clicca sur le button pro haber un panorama del differente versiones de OmegaT disponibile.
Le perfecte companion pro illes de nos qui non besonia de complexitate, ma de efficientia; glossarios, auto-completamento e traduction automatic rende mi labor in le traduction literari tanto plus efficiente
Diego Merino - Traductor EN > ES
Le autores de ODF e le traductores in italiano de LibreOffice es fer de usar un tal bon application pro lor dur opera del Collectivitate de LibreOffice.
Valter Mura - Traductor EN > LO
Io usava OmegaT como traductor professional pro ultra 10 annos, beneficiava in le prime dies de su facilitate de uso e de su foro extrememente adjuvante. Un vaste gamma de functiones, un interfacie accurate, e, super toto, le constante, regular disveloppamento open-source!
Robert Angulo, Instituto Laue-Langevin, Francia
Le projecto OmegaT e tu
OmegaT non es justo un producto; illo es un projecto excitante, e tu pote ser parte de illo.
OmegaT es un software gratuite. Que significa: le usatores como te es libere de lo discargar e lo usar con minime restrictiones. Tu es alsi libere de lo copiar e de lo distribuer a altere gente.
OmegaT es un software open-source. Illo significa que, si te senti propense assi, tu pote modificar OmegaT pro lo adaptar a tu proprie requisitos. Pro le advocatos del software open-source, iste libertate es etiam plus importante que le dispensa ipse de deber pagar alicun cosa.
Le projecto OmegaT beneficiarea de major supporto ex le voluntarios in quasi tote le areas. Etiam si multe usatores es al currente de isto, lor reaction is frequentemente "Ma io non pote programmar!". Programmar es certemente le function le plus importante, e sin programmation, non ha ulle programma, ma le programmation non es le sol labor que necessita facer. Plus avante il ha un lista de areas pro le qual esserea plus que benvenite nove voluntarios!
Creation del documentation
Le Documentation es multo importante. Multes de vos que lege isto essera traductores qui ha rendite un quantitate de documentation pro le usatores. Ha, vos mesme, considerate de scriber alicun documentation del usator? Illo es un real aperitor de oculos!
Localisation
Gratias al labor del translatores in le passato, le interfacie del usator de OmegaT e le textos del Adjuta esseva rendite in plures linguas. Illo significa que sol alicun milles remane! Le localisation de OmegaT in altere linguas es etiam un labor in curso, perque on adde semper nove characteristicas e functiones. Vide le Guida al Localisation de OmegaT pro detalios re lo que es implicate in le localisation/traduction de OmegaT.
Probas
Uno del plus utile cosas que le usatores de OmegaT pote facer es... usar OmegaT. E quando illes trova cosas que non functiona, o deficientias in le documentation, contar nos de illos.
Le publicitate
Ha tu unquam scripte an articulo pro le jornal de tu association professional? Si non, perque non scriber un articulo re le uso de OmegaT?
Donationes
Si tu ha discoperite utile OmegaT e tu amarea exprimer tu gratitude per un donation sur nostre conto Paypal.
Programmation (Java)
OmegaT es scribite in Java. Si tu es un programmator e sape Java, per favor marca le documentation in le codice fonte infra /docs_devel pro informationes re como initiar.
Programmation (non Java)
Si tu pote programmar in un altere lingua, tu pote scriber codice a supporto del application principal. Tal codice auxiliar ha ja essite scribite in Javascript, Groovy e Tcl/Tk, per exemplo.
Ma io audi te dicer: io non pote programmar del toto! Ben, ha tu considerate lo apprender? Si tu es jam rationabilemente familiar con le computatores in general e selige un candide linguage de script como Tcl/Tk, tu poterea apprender satis pro poter scriber simple ma utile scripts, in solo un par de septimanas. Continuar le disveloppamento professional es le termino de moda actual!
