Philosophia

Le philosophia open-source

OmegaT es un application e un projecto open-source. Isto significa que le codice fonte del programma OmegaT es liberemente disponibile, e que le licentia de OmegaT dona a su usatores un considerabile libertate a lo usar. Non solmente illo pote esser usate gratis, ma le usatores es etiam libere de facer copias de illo e los distribuer.

Un aspecto importante re iste libertate es que le usatores pote anque modificar le codice del programma. Per le movimento open-source, le libertate que le usatores ha de cambiar le programma pro lo adaptar a su proprie necessitates es plus importante que le facto que illes non debe pagar pro illo. Illes dice: "gratuite como un discurso", in contrasto a: "gratuite como un bira".


Le philosophia del projecto OmegaT

Le mesme spirito pote trovar se intra le projecto OmegaT. Le usatores es libere de discargar e usar le programma. A su torno, illes es libere, e vermente incitate (sed non obligate in alicun modo) a contribuer a reverso al projecto. Como lo facer es affaire lor. Per exemplo, il non ha nihil pro limitar un usator de scriber su proprie manual del usator o un demonstration video pro OmegaT, e si le projecto lo considera a pena utile, probabilemente essera rendite disponibile al communitate del usatores de OmegaT. Re le labores routinari, al voluntarios laborante sur le projecto OmegaT es generalmente confidite tam libertate, in le determinar le forma de lor contribution, qua possibile. Iste approche a 'manos libere' es describite secundo le actual Coordinator del Projecto OmegaT como un "anarchia delegate".

In alicun areas, qualque grado de coordination es necesse. Per exemplo, omnes es libere de facer cambios in le codice del programma OmegaT e de submitter iste cambios al equipa de disveloppamento. Comocunque sol si illos es considerate benefic pro le usatores OmegaT, le equipa de disveloppamento los includera in OmegaT. Isto assecura que es curate le interesses del usatores, e ha alsi procurate le premio Softpedia "100% FREE" guarantee a OmegaT.


Disveloppamento de OmegaT

Como alterubi in le projecto OmegaT, le labor de programmation de OmegaT es facite per voluntarios, e in harmonia con le philosophia del projecto, le disveloppamentos e le meliorationes que illes face a OmegaT es definitivemente a lor discretion. Il ha totevia considerabile areas intra le projecto pro le usatores pro suggerer meliorationes e influentiar le curso de evolution futur.

Le prime de isto es the Le gruppo del usatores de OmegaT. Isto es le foco principal del communitate del usatores de OmegaT. Le nove usatores de OmegaT es incitate a facer hic tote le suggestiones. Un ration pro isto es que le function desiderate poterea esser jam implementate, o que il pote haber rationes perque illo non pote esser implementate. On pote alsi haber functiones o solutiones alternative conveniente.

Le discussion technic detaliate re le cambios es melio conducite directemente con le disveloppatores de OmegaT. Pro iste proposito existe un lista de mailing del disveloppatores, dedicate.

Quando un usator propone un cambio o un melioration a OmegaT, il ha un procedura definite pro lor submission al team de disveloppamento pro los reguardar. Isto habilita le tractamento plus facile del numerose suggestiones. Le procedura es denominate "RFE" (Demanda pro functionalitate meliorative) e es tractate ci.

litteralmente centenas de RFEs esseva jam facite, e multe de illos jam implementate. Comocunque, le submission de un RFE non significa automaticamente que le functionalitate o le melioration desiderate essera implementate. Si il essera adoptate o non, dependera in prime loco de quanto le equipa de disveloppamento lo considera benefic pro OmegaT, e secundarimente, si un del disveloppatores es ben disposite a facer le labor de lo implementar.

Le disveloppatores de OmegaT, qui es tote voluntarios, pote ser plus ben disponibile a implementar un RFE si le labor de disveloppamento es financiate per le requirente. Le financiamento de disveloppamentos ha jam date loco al addition de certe characteristicas. Si tu es propense a financiar le labor de implementar un tu functionalitate desiderate, per favor continge le equipa de disveloppamento privatemente pro un quotation. Il pote alsi esser possibile que le disveloppamentos commissionate per disveloppatores externe, sia implementate intra OmegaT. Como con le disveloppamentos gratuite, tamen se applica ancora le principio que omne cambios a OmegaT debe esser benefic al application e a su usatores.