OmegaT hè un appiecazione di memoria di traduzzione chì funziuneghja nant’à Windows, macOS, Linux… Ghjè un attrezzu sviluppatu per i traduttori prufessiunali. Ùn traduce micca à a vostra piazza ! (I prugrammi chì facenu què sò appiecazioni di « traduzzione autumatica ». OmegaT pò interfacciassi cù certi prugrammi o servizii internet di traduzzione autumatica)
OmegaT hè un prugramma liberu. Vole si dì chì l’utilizatori cum’è voi ponu scaricallu è impegallu senza ristrizzione. Site liberi dinù di cupiallu è distribuiscelu à d’altre persone è ancu mudificà OmegaT per ch’ellu rispondi à i vostri bisogni. Si pò truvà una spegazione di i prugrammi liberi cù più di detaglii nant’à u situ web di a Free Software Foundation.
Funzioni prufessiunale
- Currispundenze simile
- Prupagazione di e currispundenze
- Trattamentu parallelu di i prughjetti multi-schedariu
- Adopru simultaneu di parechje memorie di traduzzione
- Integrazione di glossarii cù ricunniscenza di e flessioni
Accetta più di 30 furmati di schedariu
- Microsoft Office Word, Excel, PowerPoint (2007 o più recente)
- XHTML è HTML
- OpenDocument Format (furmatu di schedariu nativu per LibreOffice è Apache OpenOffice)
- MediaWiki (Wikipedia)
- Testu in chjaru
- … è una trentina d’altri furmati di schedariu
Attrezzi putente
- Accetteghja Unicode : adopru pussibule cù parechji santacroci è scenarii
- Accetteghja e lingue chì si scrivanu da diritta à manca
- Cuntrullore integrale d’ortugrafia chì impiegheghja i dizziunarii Hunspell (listessu cù in altri prugrammi cum’è LibreOffice o Mozilla FireFox)
- Cumpatibilità cù d’altre appiecazioni di memoria di traduzzione via i furmati di scambiu cum’è TMX, TTX, TXML, XLIFF, SDLXLIFF
- Interfaccia cù prugrammi o servizii web di traduzzione autumatica o di traduzzione neurale autumatica
Scaricà
OmegaT hè distribuitu sottu parechje versioni per currisponde à i prufili sfarente di l’utilizatori.
U selettore di scaricamenti permette d’identificà a versione a più adattata à u vostru prufilu.
S’è nondimenu, sapete dighjà chì versione d’OmegaT vulete scaricà, andate puru à a pagina di presentazione di i scaricamenti dispunibule.
U prughjettu OmegaT è voi
OmegaT ùn hè micca solu un prugramma, ma ghjè dinù un prughjettu appassiunante, è pudete fane parte.
U prughjettu OmegaT puderia gode d’un sustene più forte di benevulenti in quasi tutti i duminii. Bench’è parechji utilizatori a sappia, a so rimarca hè aspessu « Ma, ùn possu micca scrive un prugramma ! ». A prugrammazione hè sicuramente a funzione a più impurtante ; senza què, ùn ci hè prugramma. Ma a prugrammazione ùn hè micca u solu travagliu chì deve esse fattu. Eccu una lista di i duminii per quelli d’altri vuluntarii serianu più chè benvenuti !
Redazzione di documentazione
Documentazione hè impurtantissima. Forse site un traduttore chì hà dighjà traduttu assai documentazione per l’utilizatori. Chì ne pensate di scrive dapervoi documentazione per l’utilizatori ? Forse seria una rivelazione !
Lucalizazione
Grazia à u travagliu di traduttori numerosi, l’interfaccia utilizatore è i testi d’aiutu d’OmegaT sò stati tradutti in parechje lingue. Ci ne ferma più chì qualchì millaiu à fà ! Traduce OmegaT in d’altre lingue lucale hè un travagliu di cuntinuu perchè nove funzioni sò aghjunte regularmente. Ci vole à cuntattà u cuurdinatore di a lucalizazione d’OmegaT per sapene di più apprupositu di a lucalizazione è a traduzzione d’OmegaT.
Verificazione
Una di e cose e più ghjuvevule chì l’utilizatori d’OmegaT possanu fà hè… d’impiegà OmegaT. È quand’elli trovanu cose chì ùn funziuneghjanu micca currettamente, o mancanze in a documentazione, elli ci facenu sapè.
Pensate dinù à pruvà e custruzzioni settimanale d’OmegaT chì ponu cuntene ancu più di prublemi novi è affascinanti !
Publicità
Avete dighjà scenariu un articulu in u ghjurnale di u vostru associu ? È chì ne pensate di scrivene unu nant’à l’usu d’OmegaT ?
Dunazioni
S’è vo pensate chì OmegaT hè ghjuvevule è s’è vo vulete esprime a vostra gratitudine, tandu pudete fà una dunazione nant’à u nostru contu Paypal.
Prugrammazione (altra chì Java)
S’è vo sapete svillupà in un altru linguaghju, pudete scrive un codice cumplementariu à l’appiecazione principale. Parechji prugrammi di stu tipu sò stati scenarii in Javascript, Groovy o Tcl/Tk, per indettu.
Ma ùn sò micca prugrammà, avete da dimmi. Imbeh, forse hè ora di principià à amparà ? S’è vo avete dighjà belle cunnuscenze generale in infurmatica è chì vo sciglite un linguaghju di scenariu simplice cum’è Javascript o Tcl/Tk, pudete amparà dapervoi cumu scrive scenarii simplice è ghjuvevule in qualchì settimana solu. Oghje, a furmazione prufessiunale cuntinuata hè à a moda.
