Strategie

Licenza

OmegaT hè distribuitu sottu à u cuntrattu di licenza GPL v3.

In fatti, vole si dì chì vo avete :

• a libertà d’impiegà u prugramma per tuttu scopu,
• a libertà di cambià u prugramma per ch’ellu s’adatteghji à i vostri bisogni,
• a libertà di distribuisce u prugramma à i vostri amichi o vicini, è
• a libertà di distribuisce i cambiamenti chì vo avete fatti.

Sti quattru punti sò un bellu riassuntu ma pudete dinù leghje a licenza sana.

Pulitica di cunfidenzialità

OmegaT ùn culletteghja alcuna infurmazione nant’à l’utilizatore è ùn trasmette alcuna infurmazione senza l’accunsentu esplicitu di l’utilizatore.

L’utilizatori o i so ghjestiunarii di prughjettu ponu definisce in OmegaT d’impiegà servizii in linea. In quellu casu, OmegaT scumparterà l’infurmazione cù i servizii in linea :

• Accessu à i servizii di traduzzione autumatica
• Accessu à i prughjetti di squadra

OmegaT cuntrolleghja autumaticamente a dispunibilità di e versioni nove nant’à u so servitore di sviluppu senza trasmette alcuna infurmazione di l’utilizatori, è l’utilizatore pò ricusallu in i parametri di e preferenze.

S’è vo scuprite chì OmegaT cumminicheghja cù un serviziu in linea chì vo ùn avete micca definitu, seria un prublema è vi dumandemu di faccilu sapè.

I dati à traduce (i.e. i schedarii chì vo traducite) sò accessi per affissà à l’utilizatori u cuntenutu à traduce.

I dati tradutti sò piazzati in un schedariu chjamatu project_save.tmx chì si trova in u cartulare omegat/ d’ogni prughjettu di traduzzione. Stu schedariu hè cunformu à a specificazione TMX chì hè una norma impiegata da a maiò parte di l’attrezzi di a listessa categuria.

OmegaT ùn piazza micca in linea a vostra infurmazione (ùn hè micca un pruduttu « basatu nant’à u nivulu »).

Canistrelli

U nostru situ web impiega solu i canistrelli chì sò propiu richiesti per u so funziunamentu.