Guida - Usar le function exportar texto de OmegaT (script interfacie)

Desde le version 2.0.1, OmegaT habeva un function de exportation del texto. Iste GUIDA describe le function e su possibile usos. In addition, le pacchetto te-scripts.zip contine alicun scripts tcl/tk multo simplice que es designate a illustrar le uso del function.

Proposito

Le function de exportation del texto exporta datos ex le projecto OmegaT currente in files de texto simple. Actualmente, le data exportate es:

- Le contento del texto del segmento original, quando le segmento es aperte
- Le contento del texto del segmento final, quando le segmento es aperte
- Le texto marcate in le segmento final, quando le segmento pertinente es aperte

Le programmatores e le redactores de script pote usar le files continente iste texto pro adder functiones ulterior a OmegaT. Illes non besonia de alicun cognoscentia de Java; le major parte, nisi omne, del linguas de programmation poterea esser usate in vice, e complite functiones utile etiam con maestria de programmation relativemente limitate.

Usar le function de exportation del texto

Pro usar le function de exportation del texto, tu debe in prime loco lo activar in OmegaT:

Optiones > Editor...

Pois marca le cassa: "Exportar le segmento in files de texto".

&&&&&&&&&&&&&&&Le files appare in le sub plica /script in le plica del files del usator de OmegaT (pro trovar le plica del files del usator de OmegaT sur tu systema operative, vide le Manual del usatores (F1 ab intra OmegaT) Adjuta > Manual del usatores.

source.txt - contine le texto original del segmento
target.txt - contine le texto final del segmento
selection.txt - contine le texto marcate per le usator, quando o es Pulsate Ctrl-Shift-C o es seligite Modifica > Exporta le selection

Le contento del files es superscribite o quando un segmento nove es aperite (source.txt e target.txt) o quando a nove selection es exportate (selection.txt). Le files es files de texto-simple non formattate.

Usar le scripts exemplo

Tcl/tk debe esser installate, si illo jam non es. Tcl/tk pote esser obtenite ex plure fontes; tcl.activestate.com es un fonte popular. Le usatores de Mac OSX deberea installar tcl/tk ex lor media de systema e le usatores de Linux deberea lo trovar in lor repositorio de distribution si illo non es ja installate per predisposition initial. (Nota pro le usatores de Ubuntu: le implementation del typo de character del installation base de tcl/tk in Ubuntu al presente tempore (version 9.10) es horrific, ma pote esser rectificate.)

Pro render plus clar le functionamentos del script, omne script essentialmente exeque sol un function. Si multiple functiones debera esser usate al mesme tempore in practica, esserea plus efficiente combinar los in un file script singule.

Le scripts exemplo supplite hic lancea totos un fenestra, ma es anque concipibile scripts que exeque functiones in le fundo .

Pro lancear un script:

Copia le script in le plica "script" de OmegaT, id es le plica continente source.txt etc. (Le scripts in principio pote ser ubicate ubicunque, ma debe alora esser redigite con addition del percurso al files script.)

Secundo como tu systema es configurate, il pote esser possibile lancear le scripts cliccante simplemente sur illos con le mouse. In alternativa:

Aperi un fenestra pro linea de commando (consola, terminal, fenestra DOS).

Cambia plica (directory) al plica del script, e.g. (sur systemas Windows XP):

cd C:\Documents and Settings\User Name\Application Data\OmegaT\script

Lancea le script con "wish" sequite per le nomine del file script, e.g.:

wish te-basic-source.tcl

Descriptiones del scripts individual

te-basic-source

Iste script expone le texto original in un fenestra separate. Como tal, il face nihil non ja facite per le quadro Editor de OmegaT; su proposito es illustrar como le texto pote esser extrahite ex un file script e rendite disponibile pro altere scripts. Le contento del fenestra del script es modificabile e pote esser copiate e collate al reverso in le quadro Editor de OmegaT.

te-basic-target

Como pro te-basic-source, ma pro le texto de destination.

te-warning

In ultra a monstrar le texto original, iste script provide un cassa de entrata in quem le usator pote scriber un linea (exempli gratia un parola). Quando un segmento de OmegaT continente iste linea es aperite, le script emitte un advertimento. Le advertimento sume le forma del texto in le fenestra de script marcate in jalne. In ultra, si supportate per le hardware e per le systema operative (isto non es semper le caso), sonara un papiamento.

Un uso exemplo de iste function es quam seque. Le traductor ha un texto continente le phrase "abc", e ha completate un prime minuta de illo, rendente "abc" quam "abc". Illa alora discoperi que "abc" deberea esser rendite in "def". Plus tosto que trovar tote le casos de "abc" e corriger los ante que proceder (le qual es possibile, ma ha disavantages), ille poterea decider simplemente de corriger los intra del proxime minuta. In iste caso, un "memento" in cata segmento pertinente pote esser utile.

te-notags

Como su nomine suggere, iste script spolia del tags le segmento (de destination) de OmegaT. Isto es utile ubi on controla segmentos gravate per tag sur le schermo, pois que il es facile omitter perdite o duplice spatios, per exemplo.

te-tags

Iste script expone le segmento de destination in un typo de character particular (codificate in le script, ma pote esser modificate) plus tosto que le typo de character base. Le tags es monstrate in un differente typo de character pro render los minus intrusive. Dissimile de te-notags, il es possibile pro le translator laborar in iste fenestra, pois copiar e collar le contento in plen al quadro Editor de OmegaT.

te-gloss-highlight

Iste script lege le contento de un file glossario e marca omne terminos trovate in illo in le actual segmento (original). Le file glossario debe consister de duo columnas solmente, haber nomine GLOSS.utf8, e esser presente in le plica /script .

te-gloss-subst

Como pro te-gloss-highlight, ma substitue le terminos in le glossario con le terminos de destination.

te-gloss-subst-highlight

Combina le functiones substitue e marca de te-gloss-highlight e te-gloss-subst.

Programmation in tcl/tk

Tcl/tk como lingua de script ha plure avantages:

- illo es facile a apprender
- illo es gratuite
- Illo es largemente utilisate, assi on pote trovar adjuta sur le Internet
- Le componente Tk rende facile producer interfacies graphic del usator
- Il ha multe bon libros e altere ressources disponibile pro illo (al minus in anglese)
- Illo es orientate al linea de texto, e isto rende lo in particular convenibile pro applicationes involvente texto

Pro le neophytos, es disponibile in Internet plure parve instructiones, assi como:

www.dci.clrc.ac.uk/Publications/Cookbook/index.html
www.tcl.tk/man/tcl8.5/tutorial/tcltutorial.html
www.tutorialspoint.com/tcl-tk/

Si tu es seriose re apprender tcl/tk, es fortemente recommendate "Practical Programming in Tcl and Tk" ex Brent Welch, ISBN: 0-13-038560-3. Isto es probabilemente un pauc troppo technic pro neophytos complete al programmation, ma post laborante a transverso de un del parve instructiones in Internet, illes deberea trovar lo utile.

Copyright Marc 2009-2011